Wasiirka Wasaaradda Wasaaradda Qorsheynta Horumarinta, Dhaqaalaha iyo Iskaashiga Caalamiga ee dawladda Puntland Hon. Da’ud Mohamed Bisinle ayaa daahfurey kulamada la-tashiga hay’adaha dawladda ee geeddi-socodka diyaarinta qorshaha 4-aad ee horumarinta Puntland.
Kulanka waxaa lagu falaan-qeeyay warbixinada tiirka dhaqaalaha iyo dejinta jaantuska iyo yoolasha horumarinta dhaqaalaha Puntland oo ah tiir muhiim u ah halbeegyada laga cabirayo dhaqan dhaqaalaha bulshada iyo dawladda Puntland.
Kulanka waxaa ka qaybgalay hay’addaha dawladda ee qaybta ka ah diyaarinta qorshaha 4-aad ee horumarinta Puntland(#PFYDP⁴) kaas oo dhawaan lasoo bandhigi-doono.
